Link açıqlığı

Rusiye ükümeti Kütleviy haber vastalarına terrorizm ve ekstremizm çağıruvları, em de zorbalıq ve zalımlıq teşviqatı içün büyük para cezalarını (bir million rublege qadar) kirsetmege teklif ete. Aynı vaqıtta qanunda «zorbalıq ve zalımlıq teşviqatı» añlatılmay.

Dekabr 19-da qanun leyhası Devlet dumasına kirsetildi. Vesiqanıñ tezkeresinde mezkür adımnıñ sebebi aydınlatılmay. Yalıñız vesiqa «kütleviy haber serbestliginiñ suistimalı» olmasın dep azırlandı, dep qayd etile.

«Kütleviy haber vastaları aqqında» qanunında ekstremistik malümatnı yasaqlağan madde bar. Anda da ceza belgilene: bunıñ kibi malümat kütleviy haber vastasınıñ faaliyetini toqtata bile.

İnsan aqları boyunca Prezident şurasınıñ yolbaşçısı Mihail Fedotov dey ki, «Kütleviy haber vastaları aqqında» qanunından ekstremistik malümat içün mesüliet aqqında madde alınsa, ükümetniñ işbu teşebbüsi doğrudır. Fedotovnıñ qayd etkenine köre, eki ceza Anayasağa zıt kele.

«Sova» haber-analitik merkeziniñ reberi Aleksandr Verhovskiy dey ki, ekstremistik malümat içün cezalar Memuriy kodekske degil de, daa ziyade Cinaiy kodekske aittir, çünki olar bücetke kâr ketire bile, dep haber ete RBK.

XS
SM
MD
LG