Link açıqlığı

Dekabr 22-25 künleri Keriç boğazında furtunalı ruzgâr beklenile, bundan sebep parom keçitiniñ işi toqtatıla bile.

Bu aqta Yekâne naqliyat müdirliginiñ matbuat hızmeti bildire.

«Gidrometeomerkeziniñ malümatına köre, dekabr 22-23 künleri Keriç keçitinde ğarbiy yelniñ suratı 20 m/s yete bilecek, bundan sebep parom keçitiniñ işi toqtatıla bile», – denile beyanatta.

«Fevqulâde vazifetlerniñ ögüni almaq içün yük ve yolcu yolaqları ava şaraitlerine köre çalışacaq. Aydavcılarğa dekabr 22-25 künleri yolğa çıqmamağa tevsiye etile», – dep qoşalar müdirlikte.

Şimdilik Keriç boğazında yel suratı 12 m/s teşkil ete. Yolaqta «İonas», «Olimpiada», «Glükofilousa» paromları qatnay.

Saba, dekabr 22 künü, «Kavkaz» limanında nevbette 410 yengil ve 85 yük maşinası, «Qırım» limanında – 10 yengil ve 45 yük maşinası tura.

Yük yolağında: «Novorossiysk» limanında – 137 avto, Slavânsk-na-Kubani – 336 yük maşinası, Keriç ava limanında –180 maşina tura.

Keçken kün devamında 1774 maşina ve 5650 yolcu avuştırıldı.

XS
SM
MD
LG