Bazarertesi künü, dekabr 22-den, Qırımda qar ve ruzgârnıñ olacağını tahmin eteler.
Bu aqta Qırımda Gidrometeorologiya Regional merkezi bildire.
Sinoptiklerniñ malümatına köre, bazarertesi künü Qırımda bulutlı ava olacaq.
«Saba, dekabr 22 künü, Qırımda yağmur, qarnıñ yağması beklenile, tuman, buzlavuqnıñ olması mümkün», – denile beyanatta.
Saba, dekabr, 22 künü, yarımadada qar ve yağmurnıñ yağması tahmin etile. Şimaliy-ğarbiy yel suratı 9-14 m/s, bazıda 15-20 m/s yetecek. Ava arareti gece 0° civarında, kündüz 3-5 derece olacaq.
Dekabr 22-23 künleri yarımadada şimaliy-ğarbiy, ğarbiy yelniñ suratı 15-20 m/s, saba ve gece yalı boyunda ve dağlarda – 24 m/s ola bile.
