Link açıqlığı

Qazahistan prezidenti Nursultan Nazarbayev Ukraina şarqında buhrannıñ çezilmesinde yardım etmege azır olğanını bildirdi, dep harber ete Radіo Svoboda.

Nazarbayev Ukrainağa yardım etmege söz berip, onıñ mustaqilligini ve topraq bütünligini ürmet etmege çağırdı. O, «ırızlı meyancı» olmağa azır olğanını qayd etti, çünki Qazahistan em Ukraina, em separatistlerge qol tutqanında qabaatlanğan Rusiye ile eyi munasebetlerde buluna. Rusiye ise Kiyevden ve ğarbiy memleketlerden olğan qabaatlarnı tanımay.

Nazarbayev bu aqta Ukrainağa ziyaretinden evel Astanada aytqan edi. Kiyevge Qazahistan prezidenti dekabr 22 künü kele, o, prezident Petro Poroşenko ile körüşmek kerektir.

Dekabr 21 künü Poroşenko Kiyevde Aqrusiye prezidenti Aleksandr Lukaşenko ile körüşti. O, Ukrainanıñ topraq bütünligine qol tutmağa ve iqtisadiy meselelerniñ çezilüvinde yardım etmege söz berdi.

XS
SM
MD
LG