Ukraina Nazirler Kabineti Qabarcılıq ile küreş Milliy bürosınıñ müdiri vazifesine yarışnıñ komissiya azalarını tayinledi, olarnıñ arasında İosif Zisels, Aleksandra Yanovskaya ve Yuriy Butusov.
Ükümetniñ matbuat hızmeti bergen malümatqa köre, qarar Nazirler Kabinetiniñ toplaşuvında, dekabr 21 künü, qabul etilgen edi.
«İosif Zisels – belli uquq qoruyıcı, sovet zamanları – uquq qoruyıcı areketlerniñ iştirakçisi, Ukrain Helsing gruppasınıñ azası. Aleksandra Yanovskaya – Taras Şevçenko adına universitetniñ adliye kafedrasınıñ professorı, adliye ilimlerniñ doktorı, insan aqları boyunca Avropa mahkemesiniñ mahkemecisidir. Yuriy Butusov – jurnalist, qabarcılıq aqqında nice malümatlarnıñ ve jurnalist taqiqatlarınıñ müellifi», – denile beyanatta.
Evel Ukraina prezidenti Petro Poroşenko uquq qoruyıcı Refat Çubarov, Yevgeniy Zaharov ve tarihçi Yaroslav Gritsaknı Qabarcılıq ile küreş Milliy bürosınıñ Yarış komissiya azaları olaraq tayinledi. Daa üçüni Yuqarı Şura belgilemek kerek.
