Ukraina prezidenti Petro Poroşenko Qabarcılıq ile küreş Milliy bürosınıñ yarış komissiyasınıñ üç azasını tayinledi. Bular uquq qorçalayıcılar Refat Çubarov, Yevgeniy Zaharov ve tarihçı Yaroslav Gritsaktır, dep haber ete devlet yolbaşçısınıñ matbuat hızmeti.
Komissiya büro müdiri vazifesine yarış keçirecek. Parlament ve ükümet komissiyanıñ üçer namzetini tayinlemek kerekler.
Refat Çubarov Qırımtatar Milliy Meclisiniñ reisi, Bütündünya qırımtatarlar kongressinıñ prezidenti ola. Qırım Muhtar Cumhuriyetiniñ şimdiki qanunsız akimiyeti oña Qırımğa kirişini yasaq etti
Yevgeniy Zaharov – İnsan aqları boyunca Ukraina Helsinki idaresiniñ reisi, İnsan aqları halqara cemiyeti ukrain sektsiyasınıñ azasıdır.
Yaroslav Gritsak – tarih ilimleri doktorı, Ukraina Katolik Universitetiniñ professorı, Franko adına Lvov milliy universitetiniñ tarihiy tedqiqler İnstitutınıñ müdiri, «Kiyevo-Mogilânskaya akademiya» Milliy universitetiniñ fahriy professorıdır.
