Link açıqlığı

Qırım ve ATO yerlerinden köçip kelmege mecbur olğan adamlarnıñ sayısı 570 biñ insandan ziyade oldı.

Bunı Ukrainada köçip kelgen insanlarnı içtimaiy temin etüv meseleleri boyunca hızmetlerara koordinatsion ştabı bildire, dep haber ete UNİAN.

«Berilgen malümatqa binaen, vaqtınca işğal etilgen topraqlar ve terrorizmge qarşı tedbirler keçirilgen yerlerden Ukraina regionlarına 570 biñ 162 kişi köçip keldi, olardan 550 biñ 273 insan – Donetsk ve Lugansk vilâyetlerindendir», – dep qayd ete ştab.

Köçip kelgenlerniñ çoqusı Harkov (120 biñ kişi), Donetsk (82,5 biñ kişi), Dnepropetrovsk (57,8 biñ kişi), Zaporojye (53,9 biñ kişi), Lugansk (50,1 biñ kişi) ve Odessa vilâyetlerinde (20 biñ kişi), em de Kiyevde (39 biñ kişi) buluna.

XS
SM
MD
LG