İşğal başlanğan vaqıtta bir çoq qırımlı yarımadanıñ Rusiyege qoşulmasına quvandı. Anda nefaqalar yüksek ve devlet ealini tüşüne, dep ayta ediler.
«Qırım.Aqiqat» teleleyhasınıñ yañı yayınında Qırımda nefaqacılarnıñ yaşayışı ve rubl tüşken soñ olarnıñ maaşlarına olğanları aydınlatılacaq.
Qırımlılar Rusiyede yaşamaq içün kerçekten de er şeyge dayanmağa azırlarmı ve Qırım işğalci memleketni maliye felâketke ne zaman ketirecek sualleri – «24» haber telekanalındaki «Qırım.Aqiqatnıñ» yañı yayınında.
Studiya musafirleri – «Maydan inostrannıh del» fondunıñ eksperti Yuriy Smelânskiy ve Qırım strategik tedqiqler institutınıñ eksperti Sergey Kostinskiy.
Programma cumaertesi künü saat 18:30 (Aqmescit saatine köre saat 19:30) ve bazar künü saat 11:30 (Aqmescit saatine köre saat 12:30) efirge çıqa.
Radio Svoboda ve Qırım.Aqiqat saytlarında ise saat 18:30 (Aqmescit saatine köre saat 19:30) peyda olacaq.
Radio Svobodanıñ yañı leyhası – işğal etilgen Qırım vaziyetini bilmege istegen insanlar içün azırlandı.
