Link açıqlığı

Avropa birligi iqtisadiy ceetten zayıflaşqan Rusiye ile devamlı muqavemetke azırlanmalı. Bunı dekabr 19 künü Avropa Şurasınıñ reisi Donald Tusk bildirdi.

«Biz, Avropalımız, şunıñ içün özümizge işanıp, kendi quvetli taraflarımıznı bildirtmek kerekmiz», – dedi o Brüsselde Avropa birligi sammitinde», – dep haber ete «Gromadske TV».

Avropa şurasınıñ reisi aytqanı kibi, Rusiye – Ukrainanıñ degil, Avropanıñ strategik problemasıdır.

«Bugün Rusiye Ukrainanıñ degil de, bizim strategik problemamızdır. Bugün Rusiyeniñ tek Ukrainağa degil de, Avropa birligine olğan munasebeti büyük bir havftır»,– dey Tusk.

Öz nevbetinde, Almaniya kantsleri Angela Merkel, sammit devamında, Rusiyege qarşı sanktsiyalar Ukrainada ziddiyet bitkeninden soñ lâğu etilecegi aqqında bildirdi.

XS
SM
MD
LG