Rusiye prezidenti Vladimir Putin işğal etilgen Qırım ve Aqyarnıñ eñ eyi 16 ocasına 2014 senesi neticeleri boyunca mukâfat berilmesi aqqında fermannı imzaladı. Rusiye prezidentiniñ mütenasip avalesi dekabr 19 künü aşkâr etildi.
Er bir mukâfat 200 biñ ruble miqdarında olacaq, – denile beyanatta.
Mukâfat «faaliyetinde yüksek muvafaqiyetlerge irişken ve cemaat arasında ürmet qazanğan» ocalarğa berilecek.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
