Link açıqlığı

Putin Qırım ve Aqyar Yuqarı Mahkemeleriniñ reis muavinlerini tayinledi


Rusiye prezidenti Vladimir Putin işğal etilgen Qırımnıñ Yuqarı Şurası reisiniñ muavini vazifesine Viktor Sklârov ve Tatyana Şklârnı tayinledi,– haber ete TASS.

Neşirniñ malümatına köre, Rusiye prezidentiniñ işbu avalesi uquqiy malümat internet-portalında aşkâr etildi.

Vekâlet müddeti altı yılnı teşkil ete.

Bunıñ ile, vesiqada yazılğanı kibi, Aqyar şeer mahkemesi reisiniñ muavini Tatyana Kоlbina oldı.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG