Link açıqlığı

Qırım ile memuriy sıñırda kiriş/çıqış nezaret noqtalarında 1200-den ziyade yük maşinası tura ve işbu sayı ep artmaqta.

Bunı Ukraina Devlet sıñır hızmeti memuriyetiniñ matbuat vastaları ile munasebeti boyunca bölügine esaslanıp, UNİAN bildire. Olğan malümatqa köre, soñki künleri devamında nezaret noqtalarında maşinalarnıñ sayısı biñden ziyade edi. Dekabr 18 künü Ukraina qıtaiy qısmından yolğa çıqqan yük maşinalarnıñ sayısı daa da arttı. «Kalançak», «Çaplinka», «Çonğar» nezaret noqtalarınıñ er birisinde 400 maşina bar.

Matbuat hızmetiniñ malümatına köre, nevbetlerniñ esas sebebini – Rusiye tarafı 2015 senesi yanvar 1-den Ukraina qıtaiy qısmından ketirilgen mahsulatnıñ qayd etmesini planlaştırğanı ile bağlaylar. Bunıñ ile bu kibi vaziyet, adet üzre, yañı yıl arfesinde yüz bere.

«Ukraina devlet sıñır hızmeti yolaqnı boşatmaq içün areket ete. Şimdi nezaret noqtalarında sıñır bekçilerniñ sayısı artmaqta, mümkün olğanda, naqliyatnıñ resmiyleştirüvi içün qoşma noqtalar teşkil etile», – deyler matbuat hızmetinde.

Sıñırcılarnıñ malümatına köre, areketniñ mürekkepleşüvi maşinalarnıñ teşkerüvinde ufaq-tüfek şeylerge ilişken Rusiye tarafından sebep yüz bere. Adet üzre, bir maşinanıñ teşkerüvine rusiyeliler bir saatten ziyade vaqıtnı sarf eteler.

Devlet sıñır hızmetinde olğan malümatqa köre, Qırımdan yolğa çıqqan yük maşinaları olarnıñ hadimleri tarafından problemsiz teşkerile, şunıñ içün Ukraina qıtaiy qısmına nevbet iç te yoq.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG