Dekabr 18-de aqşam Kiyevde üç insannı öldürdiler. Olardan ekisi militsiya hadimidir. Bunı Ukraina halq deputatı Anton Geraşçenko Facebook saifesinde bildirdi.
«Operativ tedbir devamında cinayetçi eki militsiya hadimini ve K vatandaşını öldürdi. Elâk olğanlarnıñ qorantalarına taziyelerimni bildirem», – dep yazdı deputat.
O, vatandaşlarnı cinayetçi tapılmasına yardım etmege çağırdı.
«O, Putin terroristleri zapt etken Donbass ya da Qırımğa qaça bile», – dep tüşüne Geraşçenko.
O, cinayetçiniñ fotoresimini qoyıp, bir malümat peyda olsa, 102-ge telefon etmege rica etti.
