Link açıqlığı

Saatnıñ esas haberi

Aksönov valiler cedvelinde Ramzan Kadırovdan qalışa


Qırımnıñ öz başına tayin etilgen baş naziri Sergey Aksönov noyabr neticelerine köre, Rusiye Federatsiyası valileriniñ mediareytingine kirdi. Bu aqta dekabr 18 künü Qırım akimiyetiniñ matbuat hızmeti öz Facebook saifesinde bildirdi.

Bildirilgeni kibi, reyting neticeleri «Medialogiya» haber-analitik sistemasınıñ saytında aşkâr etildi.

«Mediafaalligi boyunca 34 760,26 mediaindeksi ile Moskva şeer başı Sergey Sobânin lider oldı. Ekinci yerde 17 714,03 mediaindeksi ile Çeçenistan Cumhuriyetiniñ Başı Ramzan Kadırov ve üçünci yerde 9 684,08 indeksi ile Sergey Aksönov turdı. Aqyar valisi Sergey Menâylo 1827,85 mediaindeksi ile 32 yerge tüşti», – denile beyanatta.

Evel bildirilgeni kibi, oktâbr ayında Rusiye valileri cedvelinde Aksönov Ramzan Kadırovdan qalışıp, üçünci yerni aldı, senâtbr ayında ise şu cevdelde ekinci edi.

XS
SM
MD
LG