Link açıqlığı

Saatnıñ esas haberi

Putin qırımtatarlarnıñ reabilitatsiyası aqqında emirniñ ömürge keçirilmesine çağıra


Rusiyeniñ federal akimiyeti qırımtatarlarnıñ kendisini Rusiye vatandaşları olaraq is etmeleri içün qanun derecesinde er şey yaptı, şimdi yarımadanıñ yerli akimiyeti qanunnı amelge keçirmeli, dep ayttı Rusiye prezidenti Vladimir Putin cumaaqşamı künü Moskvadaki matbuat konferentsiyasında, dep haber ete Qırım.Aqiqat.

Mında bu sene aprel ayında Putin imzalağan qırımtatar ve diger halqlarnıñ reabilitatsiyası aqqında söz yürsetile.

«Mence, bu emirniñ kelecegi bar, – dep cevap berdi Putin ATR qırımtatar telekanalı jurnalistiniñ aytqanlarına. – Onı bir kimse lâğu etip olamaz: ne yerli akimiyet, ne de başqa birisi. Bizler repressiyalarğa oğratılğan bütün halqlarnıñ reabilitatsiyasını ilân ettik: qırımtatarlar, alman, ermeni, bulğarlar, – ve repressiyalarğa oğratılğan bütün insanlarnıñ. Mence, bunıñ ciddiy siyasiy-ahlâq emiyeti mevcut».

Onıñ aytqanına köre, qırımtatarlar içün ahlâq ceetten daa da müim meseleler bar.

«Bu episi degil. Bizler yarımadanıñ esas tilleri: rus, ukrain, qırımtatar, – devlet tilleri olacağını belgiledik, qırımtatar halqınıñ tarihında böyle bir şey olmağan edi», – dedi Putin.

«Elbet de, bunıñ episi regional derecede yavaş-yavaş amelge keçirilmeli», – dep qoştı o.

Onıñ fikirince, Qırımnıñ müim ve aynı vaqıtta qıyın meselelerinden biri «samozahvatlarnıñ» qanunlaştırılması qala.

«Er kes bu qararnen razı degil, er zaman samozahvatlarnı qanunlaştırsaq, tertip-nizam olmaycaq, dep aytalar. Qırımda yaşağan insanlarnı meni eşitmege çağıram: repressiyalarğa oğratılğan halqlar meselesi – ayrı bir mevzu. Devletniñ bu adamlarğa borcu bar, bu saifeni qapatıp, er kes, milliy ve etnik mensüpligine baqmadan, aynı olğanını ve qanunğa riayet etmeli, aytmaq kerek», – dedi Putin.

Vladimir Putin repressiyalarğa oğratılğan qırımtatar ve diger halqlarnıñ reabilitatsiyası aqqında qanunnı 2014 senesi aprel ayında, «referendumdan» soñ, imzaladı.

XS
SM
MD
LG