Link açıqlığı

Saatnıñ esas haberi

Ukraina adalet nazirligi: Qırım işğaliniñ zararı trillionlarnen grivnanı teşkil ete


Ukrainanıñ Rusiyeniñ Qırım işğalinden körgen zararı 1 trillion 80 milliard grivnanı teşkil etti. Bunı Adalet naziri Pavlo Petrenko Kiyevdeki matbuat konferentsiyasında bildirdi.

«Şimdi Qırımnen bağlı zararlarnıñ ilk raqamı şekillendirildi. Bu trillion grivnadan ziyadedir. Bu 1 trillion 80 milliard grivnadır, ve bizler yahşı añlaymız ki, Ukraina şarqınıñ zararlarını saymaq kerekmiz», – dedi o.

Adalet naziri aqımdaki seneniñ soñuna qadar Rusiye Federatsiyasına qarşı BMT Halqara mahkemesine dava azırlaycağını bildirdi.

Onıñ aytqanına köre, dava Rusiye Federatsiyasınıñ bir sıra konventsiya bozğanınen bağlı olacaq.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG