Link açıqlığı

Bu saatleri Rusiye prezidenti Vladimir Putinniñ matbuat konferentsiyası keçirilgen Halqara ticaret merkezi yanında politsiya hadimleri bir qaç adamnı yaqaladı, dep haber ete Radio Svoboda mühbiri.

«Adamlar «Vıstavoçnaya» metrosında çıqtılar, bir daqqa keçmedi, olarnıñ yanına politsiya hadimleri kelip, aktsiyağa izin berildimi, dep soradılar. Soñra avtozak keldi, onıñ artından daa bir dane. Eñ azından 20 insan yaqalandı, şu cümleden bir jurnalist», – dedi şaat Meduza portalınıñ mühbirine.

Jurnalist Yevgeniy Levkoviç Facebookta Putinniñ matbuat konferentsiyası ögüne er kesni toplaşmağa çağırğan edi: «Bizler Putinge sual bermege ketemiz, lâkin olarnıñ çoqusına o yarın cevap bermeycek – bunıñ sebebi belli, yarın olar seslendirilmeycek. Bu sualler olğanını ve prezident akimiyetine qarşı olğanlardan qorqqan Putinniñ qorqaq olğanını Rusiye vatandaşlarınıñ çoqusı bilmesini isteymiz».

Bir yıl evelsi Levkoviç ve onıñ arqadaşları Putinniñ matbuat konferentsiyası ögüne yaqalanğan edi – olar «Bolotnaya mahbüslerine» qoltutmaq içün aktsiyanı keçirecek ediler.

XS
SM
MD
LG