Link açıqlığı

İşğal etilgen Qırım sakinleri sıq-sıq Ukraina pasportlarını resmiyleştirmege rica eteler, dep haber ete 5 kanal.

Herson vilâyetiniñ Novotroitskiy migratsion hızmetinde – nevbetler. Telekanalnıñ malümatına köre, er kün aman-aman yüz insan yarımadadan kelip, ukrain vesiqalarını ala.

«Çetel ve içki pasportlarnı dört insan resmiyleştire. Ukrain vesiqalarını alacaq qırımlılar o qadar çoq ki, gece bile nevbet almağa başlaylar», – bildire telekanal.

Novotroitskiy pasport hızmetleriniñ hadimleri yaqın zamanda aynı şekilde işke devam etecekler. Sıñırcılar tenbiyeley: işğal etilgen Qırımda berilgen vesiqalar boyunca Ukrainağa bir kimse kiremez.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG