Cumaaqşamı künü, dekabr 18-de, Rusiye prezidenti Vladimir Putin er yıllıq matbuat konferentsiyasını keçirecek.
Bunıñ kibi matbuat konferentsiyalarında Rusiye lideri umumen dünya vaziyeti, em de Rusiyeniñ içki problemleri aqqında ayta.
Bu sene Putin cermay ucuzlaşması ve ğarp cezalarından zarar körgen Rusiye iqtisadiyatı, şu cümleden rublniñ tüşmesi aqqında aytmağa mecbur olacaq.
Dekabr 16-da AQŞ Devlet kâtibi John Kerry bildirdi ki, Rusiyeniñ Ukrainada yapqanları sebebinden cezalar «prezident Putinniñ saylavına köre, bir qaç kün ya da afta içinde» lâğu etile bile.
Avropa birliginiñ tışqı işler ve havfsızlıq siyaseti boyunca yuqarı vekili Federica Mogherini dekabr 17-de dedi ki, Rusiyeniñ Ukraina zıddiyetini al etmek yolunda azırlıq işaretlerini köre.
Avropa Birligi ve AQŞ Ukraina istilâsı sebebinden Rusiyege qarşı kirsetken cezalarğa cermay fiyatınıñ ucuzlaşması da qoşula. Malüm ki, cermay ve gaz Rusiye bücetine kâr ketirgen esas qaynaqlardır. Bunıñ neticesinde de Rusiye rublesi ep tüşmekte.
