Link açıqlığı

Saatnıñ esas haberi

Qırım sakinleriniñ 98% Rusiye pasportını aldı


Qırım «Devlet şurasınıñ» reisi Vladimir Konstantinov
Qırım «Devlet şurasınıñ» reisi Vladimir Konstantinov

İşğal etilgen Qırımda yarımadada qayd etilgen sakinlerniñ 98% Rusiye vatandaşları pasportlarını aldı, – dep ayttı Qırım «spikeri» Vladimir Konstantinov çarşenbe künü, dekabr 17-de. Bunı TASS Rusiye agentligi bildirdi.

«Qırımlılarnıñ 98% Rusiye vatandaşlığını ve Rusiye pasportlarını aldı. Rusiye Federal migratsion hızmetiniñ yardımınen 2014 senesi baarde bayağı iş yapıldı. Ve şimdi çetel pasportlar berilmesi başlandı», – dedi o.

«Spikerniñ» aytqanına köre, ayrı yanaşmanı talap etken meseleler de peyda ola.

«Unikal, qarışqan meseleler de ola. Misal olaraq, apay Hersonda qayd etilgen, aqayı ise bizde (Qırımda). Mesken em anda, em mında. Referendumdan soñ olar Rusiye vatandaşlığını qabul etmege qarar berdiler. Bunıñ episi sozula, amma neticede al etilecek», – dedi Konstantinov.

Onıñ qayd etkenine köre, Qırımğa köçip kelgen Lugansk ve Donetsk vilâyetleriniñ sakinleri bar, olar Rusiye vatandaşlığını qabul etmege isteyler.

«Olar bizden başqa yardım istemeyler. Adamlar cumhuriyette ev alıp, on qayd ettiler. Bizler Rusiye prezidenti imzalağan vatandaşlıqnı acele sürette aluv qanunınıñ işke tüşürilmesini bekleymiz», – dep qayd etti Konstantinov.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG