Link açıqlığı

Ukraina arbiyleri Büyük Britaniyanıñ daa bir gumanitar yükini aldılar


Ukraina Silâlı Quvetleri halqara gumanitar yardım çerçivesinde Büyük Britaniyadan daa bir yük aldı. Ukraina Mudafaa nazirliginiñ matbuat hızmeti dekabr 17-de bergen malümatına köre, Britaniya zenaatdaşları ukrain arbiylerine qışlıq qıyafet ve tibbiy malzemelerini yolladılar.

2014 senesi devamında ortaq memleketler Ukraina Silâlı Quvetlerine er taraflı maddiy yarlım köstergen ediler: AQŞ qıyafet ve tehnikiy vastalarnı, Frenkistan Cumhuriyeti bronejilet ve tibbiy malzemelerini, Slovakiya Cumhuriyeti ise elektrogenerator, ışıq kompleksleri, plastik savut, urba donatmaları ve tibbiy malzemelerini yolladı.

Bundan ğayrı, Norvegiya Qırallığı yemek, Daniya Qırallığı ise tehnikiy vastalarnı yollağan edi.

Kanada Ukrainağa şahsiy imaye vastalırını ve qışlıq urba, Poloniya Cumhuriyeti ise yemek ve yataq çamaşırını yiberdi.

Litva Cumhuriyeti yemek, tibbiy mal, qıyafet yolladı, İsviçre Konfederatsiyası – ilâc ve tibbiy malzeme, Felemenk Qırallığı ise elektrogenerator, yorğanlarnı yolladı. İspaniya Qırallığı Ukraina ordusına bronejilet ve migferlerni berdi.

Latviya Cumhuriyeti Qırım Muhtar Cumhuriyetinden köçip kelgen arbiylerniñ balalarına mektep malzemelerini ve diger zarur olğan şeylerni yolladı.

Ukraina Mudafaa Nazirligi bildire ki, eñ yaqın vaqıtta Avstraliya ve Poloniya Cumhuriyeti Ukraina Silâlı Quvetlerine yardım yollaycaq ola.

XS
SM
MD
LG