Link açıqlığı

Matbuat vastaları: qırımlılar Rusiye aliy oquv yurtlarına umumiy şartlarğa köre kirmeyceklerdir


Rusiye Devlet duması işğal etilgen Qırım sakinleriniñ tasil aluv hususiyetlerini belgilegen ükümet qanun leyhasını soñki, üçünci oquvda, qabul etti. Bunı çarşenbe künü, dekabr 17-de, TASS agentligi bildire.

«Rusiyede tasil aqqında» qanunğa kirsetilgen deñişmelerge binaen, 2015 senesi qırımlılarnıñ Rusiye aliy oquv yurtlarına kirüv şartlarını Tasil ve ilim nazirligi belgileycek.

Nazirlik Qırım ve Aqyar sakinleri içün imtian şekilleri ve cedveliniñ talaplarını şekillendirmek kerek.

Devlet dumasınıñ tasil komitet azası Grigoriy Balıhin qayd etti ki, «nazirler Qırım ve Aqyar studentleri içün belli bir kerilemelerni belgiley bile».

«Qırımlılar Rusiye aliy oquv yurtlarına umumiy şartlarğa köre kireceklerini aytmaq yañlıştır», – dep qayd etti o.

Bundan ğayrı, vesiqa tibbiy tasilni qayd ete, daa doğrusı – intern ve ordinatorlarnı. Balıhinniñ aytqanına köre, «Qırım ve Aqyarda klinik ordinatura ve internatura programmaları boyunca diplomdan soñ tasil Rusiyede qabul etilmegenine qadar Rusiyeniñ aliy tasili, ordinatura programmaları boyunca yüksek kadrlar azırlanmasına teñ kelecek».

Qanun deñişmeleri Qırım sakinleriniñ ocalar stajına da tesir etti.

«Ukrainada tasil saasındaki teşkilâtlarda çalışqan oca ve alimlerniñ tecribesi oca stajı olaraq qayd etilecek. Bu, elbet de, olarnıñ aylıqları ve nefaqalarına müsbet tesir etecek», – dep qayd etti Balıhin.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG