Link açıqlığı

Saatnıñ esas haberi

Qırımnıñ arbiy komissarlıqları «soñki ziyaretçige qadar» çalışa


İşğal etilgen Qırımnıñ arbiy komissarlıqları «soñki ziyaretçige qadar» çalışa. Qırım.Aqiqat saytınıñ mühbiri bildire ki, soñki bir qaç kün devamında Aqmescit arbiy komissarlıqları yanında yüzlernen erkek nevbette tura.

Malüm ki, dekabr 20-ne qadar arbiy cedvelge adını yazdırmağan qırımlılarnı para cezası bekley, dep bildirgen ediler.

«Bu afta arbiy komissarlıqlar raatlanmayıp çalıştı. Soñki ziyaretçige qadar qabul eteler. Çarşenbe künü, dekabr 17-de, Aqmescit arbiy komissarlıqlarından birinde tahminen 130 insan toplaştı, kündüz nevbet daa da büyük edi. Er kesni cedvelge almağanına qadar bu şekilde çalışacaqmız», – dep ayttı adı gizli qalacaq şartınen arbiy komissarlıq hadimi Qırım.Aqiqat mühbirine.

Onıñ bildirgenine köre, şimdilik Qırımda arbiy cedvelge aluv müddetiniñ arttırılması aqqında qanun yoq, lâkin onı mart ayına qadar devam ettirecekler degen laflar bar.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG