Ukraina prezidenti Petro Poroşenko Ukraina bayrağı işğal etilgen Qırım üzerinde kene de köterilecegine işana. Bu aqqında devlet yolbaşçısı Poloniya seyminde çıqışta bulunır eken ayttı, – dep haber ete çarşenbe künü, dekabr 17-de, RBK-Ukraina.
«Bugün Qırım işğalciler akimiyeti altında qaldı... Lâkin men ve bizler epimiz Ukraina bayrağı yarımada üzerinde kene de köterilecegine inanamız», – dedi Poroşenko.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
