Link açıqlığı

Ukraina Yuqarı Radasınıñ deputatı Aleksandra Kujelni Qırımğa tatasınıñ cenazesine kirsetmeyler.

Bunı o Facebook saifesinde yazdı.

«Bugün saba erte tatam keçindi. Menim eñ yaqın insanım. O, 75 yaşında edi. Ve o devamlı hasta edi, hastahanege yattırmağa onı istemediler. O, Aqyarda yaşadı. Ve Aqyarda vefat etti. Bir ay evelsi Neleçka telefon etken edi, maña Kiyevge kelmege pek istedi. Kelip olamadı. Yetiştiremedi. Şimdi ise men oña barıp olamayım... Yaqın insanımnen vedalaşıp olamayım. Çünki Qırımğa kirişni lâin bir ükümdar yasaq etti», – dep yazdı Kujel.

Aleksandra Kujel «Devlet şurası» yarımada işğalinden soñ Qırımğa kirişi istenilmegen şahıslar cedveline kirmekte.

Qırım «parlamentiniñ» mezkür cedvelinde noyabr 21-de 334 insan bar edi.

XS
SM
MD
LG