Link açıqlığı

Qırım «baş naziri» Sergey Aksönov ile körüşüvni talap etken erkek Aqmescitte, saba, Lenin meydanında yerleşken Nazirler Şurası binası yanına keldi.

Bu aqta öz Facebook saifesinde Aqmescitniñ sakinlerinden biri yazdı.

Bunıñ ile, qırımlı aytqanı kibi, erkekni fotoğa çekmege istese, bir qadın: «foto yapmağa olmay, yasaq!» qıçırıp, oña keder etecek oldı.

«Kim yasaq etti, biz uquqiy devlette yaşamaymızmı?» degen sualime: «Nasıl aqlar aqqında söz kete, mında er şey yasaq!» kibi cevap qaytarıldı»,– dep yazdı aqmescitli.

Yapıp olğan fotolarına köre, erkekniñ yanında «politsiya» hadimi buluna.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG