Link açıqlığı

Ukrainada İsrail elçihanesi Qırım akimiyeti ile işbirlik yapmağanını bildire


İsrail Devleti Elçihanesiniñ Qırım matbuat vastalarında Yan Epşteynge esalanıp yazılğan israil-qırım leyhalarına alâqası yoq.

Bu kibi cevapnı elçihaneden Qırımtatar Milliy Meclis reisi Refat Çubarovğa yolladılar. O, onı öz Facebook saifesinde aşkâr etti.

«Sayğılı Çubarov efendi! Muracaatıñız içün minnetdarmız. İsrail Devleti Elçihanesiniñ añılğan vaqialarğa iç te alâqası yoq olğanını aytmağa isteymiz. Epşteyn aqqında ise aytacaq olsaq, onıñ statusı toqtatılğan, şunıñ içün o, İsrailniñ İtibarlı konsulı artıq sayılmay»,– denile Ukrainada İsrail Devleti Elçihanesiniñ siyasiy bölügi reisi Gay Giladiniñ adından cevapta.

Evel haber etilgeni kibi, Qırımda İsrailniñ İtibarlı konsulı, Bütünqırım yeudiy kongressiniñ reisi Yan Epşteyn kelecek sene Qırımda qırım-israil biznes-forumınıñ keçirilecegi aqqında aytqan edi. Onıñ sözlerine köre, «Qırım-İsrail» ticaret birligi ya da halqara ticaret-sanaiy palatasınıñ teşkil etilmesi planlaştırıla eken.

XS
SM
MD
LG