Link açıqlığı

Saatnıñ esas haberi

Yatsenük: dünya Qırımda özek silânı yerleştirmek içün Rusiyege izin bermemeli


Dünya toplulığı Rusiyege Qırım territoriyasında özek silânıñ yerleştirilmesine izin bermemek kerek.

Bu aqta Ukraina baş naziri Arseniy Yatsenük Brüsselde Avropa siyaset merkeziniñ toplaşuvında söz yürsetti, dep haber etile Nazirler Kabinetiniñ saytında.

«Bütün dünya ögünde olğan bir havf, dünya ise Rusiyege ukrain toprağında özek silânı yerleştirmek içün musaadeni bermemek kerek, çünki Qırım – Ukraina toprağıdır»,– dedi Yatsenük.

O şuna da qayd etti ki, 1994 senesi Ukraina «Budapeşt memorandumı»nı imzalap, özek silâdan vazgeçti, Rusiye ise bu añlaşmanı bozdı.

Bunıñ ile baş nazir Qırımda özek silânıñ yerleştirmesi – «cenk yalıñız Ukraina ve Rusiye arasında keçmegenini bildirgen bir hususiyettir», dep ayttı.

«Tek Ukraina cenki degil. Ukraina Rusiye içün – Garp, AB, NATO memleket-azalarına, halqara aq ve nizamına qarşı cenk alanı ola», – dedi Yatsenük.

Evel Rusiye çetel işler naziri Sergey Lavrov Rusiye Federatsiyasınıñ Qırımda özek silânı yerleştirmek içün aqqı bar olğanını qayd etken edi. Onıñ aytqanı kibi, Qırım «iç bir vaqıt özeksiz bir alan degil edi».

XS
SM
MD
LG