Link açıqlığı

Şurağa işğal etilgen Donbass ve Qırım ile ticaret yasağı aqqında qanun leyhasını kirsetecekler


Donbass blokpostlarında teşkerüvler ile bulunğan halq deputatları Ukraina parlamentine memleketniñ işğal etilgen territoriyaları ile ticaret yasağı aqqında qanun leyhasını kirsetecekler. Bunı Dnepropetrovskta qanun leyhasınıñ teşebbüsçileri bildirdiler, dep haber ete Radіo Svoboda.

Halq deputatı Yegor Sobolev aytqanı kibi, işğal etilgen territoriyalar ile ticaret urain askerlerni ıncıta.

«Yol qızğın, yük maşinaları anda-mında yüre. Askerler olarğa baqqanda, sigareta, içki, şarap, biranı köreler. O vaqıt pek doğru suallerni bereler: biz cenkleşemiz yoqsa ticaret ile oğraşamız? İşğal etilgen territoriyalar ile ticaretni toqtatmaq kerek. Birisi toprağı içün can bergen vaqıtta, başqaları fiyatlarnıñ farqlı olğanından ve insanlarnıñ kederinden kâr qıdıra»,– dedi Sobolev.

Halq deputatı Semen Semençenko aytqanı kibi, deputatlar Yuqarı Şuradan «vaqtınca işğal etilgen territoriyalar ile ticaret yasaqlığı aqqında» qanun leyhasınıñ qabul etilmesini talap etecek – tek Donbass ile degil, Qırımnen de.

«Cenkleşsek, cenkleşekmiz. Biz dünyanı öz pervasızlıqnen şaşırtqan bir memleket olmamız»,– dedi o.

Aynı zamanda deputatlar devlet Ukrainadan işğal etilgen topraqlarğa gumanitar yüklerniñ ketirilmesini yasaq etmeyip, olarnı diqqat ile teşkermek kerek olğanını qayd ettiler.

Bazar künü, dekabr 14-de, «Dnepr-1» göñülli batalyonınıñ arbiyleri Ahmetov fondınıñ 22 yük maşinasını Donetskke kirsetmege razı olmadılar. Birazdan «Samopomiç» firqasınıñ deputatı, «Donbass» batalyonınıñ komandanı Semen Semençenko Rinat Ahmetov Fondınıñ yardımı arasında boyevikler içüş şeylerniñ olmasını qayd etti. Fondda bunı red eteler.

XS
SM
MD
LG