Link açıqlığı

Rusiye prezidenti Vladimir Putin ükümet ve ilimler akademiyasına Rusiye tarafından işğal etilgen Qırım tarihı boyunca «temelli ilmiy işni» sımarladı, – dep bildirdi dekabr 16 künü Radіo Svoboda.

Neşir haber etkeni kibi, 2017 senesi dekabr 1-ne qadar yekünlenmesi kerek olğan iş içün mesülietli olaraq Vladimir Putin Rusiye baş naziri Dmitriy Medvedevni tayinledi.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG