Link açıqlığı

Prezident Petro Poroşenko – Ukrainada şimdi olğan eñ eyi fırsatıdır. Bu aqta Rusiye çetel işler naziri Sergey Lavrov France 24 telekanalında bildirdi, – dep haber ete TASS agentligi.

«Bizde Ukraina prezidenti Petro Poroşenko ile munasebetlerimizde nasıldır bir problemler yoq. İç olmağanda, eki memleketniñ yolbaşçıları seviyesinde yoq. Muntazam dialog devam ete»,– dedi o.

Donetsk ve Lugansk vilâyetleriniñ muhtariyeti aqqında aytqanda, bu meseleni ukrainlilerniñ özleri çezmek kerek olğanını bildirdi.

«Rusiye federalizatsiya ya da muhtariyetni teklif etmey», – dedi Rusiye çetel işler nazirliginiñ başı.

«Ukraina cenübiy-şarqında ekinci Qırım olmaz, amma Qırım – Rusiye toprağıdır», – qayd etti Lavrov.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG