Link açıqlığı

Salı künü, dekabr 16-da, Qırımnıñ Apellâtsion mahkemesinde «Qırım» Fondu» Hayriye teşkilâtınıñ memuriy işi ve oña ve reberligine para cezalarınıñ belgilenmesi boyunca toplaşuv ötkerilecek.

Bunı Fond reisi Riza Şevkiyev Qırım.Aqiqatqa bildirdi.

Şevkiyevniñ qayd etkenine köre, fond Aqmescit şeeriniñ Kiyev rayon mahkemesi oña 350 biñ ruble ve Fondğa 4,5 million rublelik para cezasını belgilemek qararına itiraz bildire.

«Bizim fikirimizce, qabaat sebepsiz, para cezaları ise qanunsızdır. Bizler bunı kösterdik ve küreşecekmiz. Mahkemeciler kimmi? Bu sual sual olıp qala, mesele çezilecegine baqacaqmız», – dedi Şevkiyev.

Onıñ malümatına köre, mahkeme Aqmescit saatine köre saat 14:00 Pavlenko,2 adresi boyunca keçirilecek. Toplaşuvda uquq qorçalayıcılar bulunması beklenile.

Qırımnıñ medeniy miras qoruv «Devlet komiteti» tizgen memuriy protokolğa binaen, «Qırım» Fondu» hayriye teşkilâtınıñ reisi Riza Şevkiyev KoAP RF 7.13 1 maddesine köre (Rusiye Federatsiyası halqlarınıñ medeniy miras obyektleriniñ devlet imayesi ve qullanuv talaplarını bozuv) memuriy cinayet yaptı.

Bu maddege köre, teşkilât reisi 400 biñ rublelik para cezasını ala bile, «Qırım» Fondu» ise – 5 million rublelik.

Bundan ğayrı, sentâbr ayında, Aqmescit Merkeziy rayon mahkemesi «Qırım» Fondunı yedi adres boyunca yerleşken mal-mülkini, şu cümleden Şmidta soqağındaki Meclis binasını qullanmağa yasaq etti, bank esaplarını qapattı ve yañı esaplarnı açmağa yasaq etti.

XS
SM
MD
LG