Link açıqlığı

Uquq qorçalayıcı: Donbassta separatistler tarafında cenkleşken qırımlılar elâk ola


Uquq qorçalayıcı Yelena Vasilyeva Donbassta Rusiyege qol tutqan separatistler tarafında cenkleşken ve cenk uruşlarında elâk olğan qırımlılarnıñ cedvelini derc etti. Bunı o, Facebook «Yük-200 Ukrainadan Rusiyege» saifesinde bildirdi.

«Yük-200 Rusiyege ketmege devam ete. Şimdi Qırımğa da. Qırım morglarnı tolu, er kesni ise çinkede evge ketirmezler», – dedi Vasilyeva.

Uquq qorçalayıcı Qırımdan Donbassqa cenkleşmege ketkenlerniñ soyadlarını yazdı.

Olarnıñ arasında – Aqmescit, Bağçasaray, Yalta ve Aluşta sakinleri. Vasilyevanıñ cedvelinde umumen doquz adam bar.

«Novoye Vremâ» bildire ki, Vasilyevanıñ malümatına köre, dekabr başından itibaren Ukrainada tahminen üç yüz Rusiye askeri elâk oldı. Faal Rusiyege cesedleri ketirilgen adamlarnıñ cedvelini de aydınlattı.

Bundan ğayrı, uquq qorçalayıcınıñ malümatına köre, Donbasstaki cenk areketleri devamında Rusiyede añlaşma esasında askerlik yapqan beş yüz kişi öldürildi.

XS
SM
MD
LG