Rusiye Tışqı işler naziri Sergey Lavroy dedi ki, Rusiye Federatsiyasınıñ Qırımda özek silâsını yerleştirme aqqı bar. Bunı o, dekabr 15-te Qırım Rusiye özek silâsı olacaq yer olaraq baqıla bilemi sualine cevap olaraq ayttı, – dep haber ete Azatlıq Radiosı.
«Artıq Qırım özek silâsınıñ tarqatılmaması, amma bar olğanı aqqında Añlaşmağa binaen böyle bir devletniñ bir qısmı oldı. Rusiye, halqara uquqqa köre, kendi menfaatlarına köre ve halqara-uquq şartlarına köre silâsını qullana bile», – dedi Rusiye naziri.
Onıñ aytqanına köre, Qırım «iç bir zaman ödeksiz bir zona olmağan edi».
1994 senesi dekabr 5-te Büyük Britaniya, Rusiye ve AQŞ Budapeştte Ödek silâsını tarqatmamaq Añlaşmasına Ukraina qoşulması sebebinden havfsızlıq kefilleri aqqında memorandum imzaladılar.
Budapeşt memorandumını imzalağan memleketler topraq bütünligine qarşı areketlerden uzaq turmağa söz bergen ediler.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
