Link açıqlığı

Devlet dumasınıñ deputatlarını diplomatik pasportlarnı teslim etmege mecbur ettiler


Rusiye Devlet dumasınıñ deputatlarını diplomatik pasportları aşağı palatanıñ halqara işbirlik idaresine teslim etilecegi aqqında tenbiyelediler. Bunı dekabr 15-te İnterfaks bildire.

«Bugün Keñeşte ayttılar, birisi teslim etmese ya da bu meseleni resmiy şekilde al etmese, Devlet duma reisiniñ ihtarını yetkizem, bu pasportlar yoq etilecek, bu qanunğa köre yapılacaq», – dedi KPRF fraktsiyasınıñ toplaşuvında fraktsiya reisiniñ muavini Sergey Reşulskiy.

Onıñ bildirgenine köre, deputat PACE toplaşuvına barsa, Duma keñeşi resmiy şekilde qarar alıp, oña yanına pasport almağa izin bere, – dep yaza neşir.

Diplomatik pasportlarnı deputatlar yalıñız iş ziyaretilerinde qullana bileler, – bildirgen ediler Devlet dumasınıñ apparatında oktâbr ayında.

Dumanıñ cemaat ile alâqa ve bağ idare reberi Yuriy Şuvalovnıñ aytqanına köre, diplomatik pasportlarnı qullanuvda tertip ve nizam olması içün teşkiliy bir qarar qabul etildi. Onıñ bildirgenine köre, qanunğa binaen, deputat iş ziyareti bitken soñ diplomatik pasportını halqara işbirlik idaresine teslim etmeli.

XS
SM
MD
LG