Aqmescit merkezinde cumaaqşamı künü, dekabr 13-den, yañı yıl munasebeti ile naratnı pekitmekteler.
Kommunal hızmetlerniñ hadimleri aytqanı kibi, bu inşanı Kiyevden 4 yıl evelsi ketirgen ediler. Bu vaqıt devamında yañı bir şey peyda olmadı.
«4 yıl onı qoyamız, onı Ukrainadan ketirgen ediler. Kiyev bizge ediye etti», – dep ayttı Qırım.Aqiqat mühbirine kommunal hızmetiniñ hadimi.
Naratnı, adet üzre, Lenin meydanınıñ merkezinde yerleştirecekler. Tahmin etilgeni kibi, dekabr 19 künü endi azır olacaqtır.
Evel Aqmescit şeer şurasında bu sene Qırımda narat Rusiye bayrağı tüsinde yaraştırılacağı aqqında bildirgen ediler.
