İşğal etilgen Yaltada kurort-şeeriniñ itibarlı vatandaşı Calil Nacabov adına şeer bağçasında belgisiz şasıhlar üzerinde «Qırım – Ukraina» yazısı olğan köpürni yaqtılar.
Bu aqta öz Facebook saifeinde Qırımnıñ Azerbaycan cemiyetiniñ başı Ragim Gumbatov bildirdi.
«Ateşke berüv, tesadüf bir şey edi, dep belleyim, belki de, mında daima bulunğan evsiz insanlar tarafından çıqarılğan. Olar mında çöplüklerde tapqan şeylerini toplaylar. Bir qaç kere ortalıq temizlengen edi, amma er vaqıt nezaret etmege imkânımız yoq. Mında, isinmek içün ateşni yaqqanlar, ğaliba, amma neticede er şey yanıp ketti», – dep yazdı o.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
