Link açıqlığı

Aqmescitte Qırım medeniyet, sanat ve turizm universitetiniñ rektorı Оleg Gabriyelân öz istegi ile istifağa çıqmaq içün ariza yazdı.

Bunı o Krım Media agentligine bildirdi.

«Şimdi biraz raatlanmaq isteyim. Yañı yıldan soñ yañı işni qıdırmağa başlacağım. Professor, ilimler doktorı olam, bunıñ ile problemler olmaz dep tüşünem», – dedi Gabriyelân.

O, aliy oquv yurtu qapalmaz ve anda «er şey yahşı olur» dep ümüt ete.

Qırım.Aqiqat haber etkeni kibi, Qırım «Nazirler şurası» Qırım medeniyet, sanat ve turizm universitetiniñ yoq etilüvi aqqında qarar aldı. Ocalarnıñ aytqanı kibi, böyleliknen universitetiniñ akkreditatsiya ve litsenziyası da yoq olur.

XS
SM
MD
LG