Link açıqlığı

Baş nazir Arseniy Yatsenükniñ başlığında ukrain eyyeti Ukraina – Avropa birligi Assotsiatsiya Şurasınıñ inauguratsion toplaşuvında iştirak etmek içün Brüsselge yol aldı. Mında Qırım işğali de muzakere etilecektir, dep haber ete Ukraina Nazirler kabineti.

Ukraina ve Avropa birligi arasında assotsiatsiya aqqında Añlaşmanıñ qaidelerine köre teşkil etilgen organnıñ birinci toplaşuvı olacaq. Avropa birligi eyyetiniñ başında Avropa komissiyasınıñ prezident muavini, AB çetel işleri ve havfsızlıq siyaseti boyunca yuqarı temsilcisi Federika Mogerini olacaq.

Muzakere mevzuları arasında – «Ukraina şarqında Rusiye istilâsına ve Qırımnıñ işğaline qarşılıq kösterüv meselesi, Avropa birligi tarafından ukrain akimiyetiniñ islâatlarına destek, Ukraina tarafından Avropa birligi ile vizasız rejiminiñ kirsetilüv şartarlınıñ amelge keçirilmesi ve energetik havfsızlıq meseleleri olacaq».

Yatsenük ile Brüsselge beş nazir ve «Naftogaz» reisi Andrey Kobolev yol aldılar.

Brüssel ziyareti çerivesinde Arseniy Yatsenük Avropa Şurası reisi Donald Tusk ve NATO baş kâtibi Jens Stoltenberg ile körüşecek.

Ziyaretten evel Ukraina ükümetiniñ başı islâatlarnıñ keçirilüv ketişatını Ukraina prezidenti Petro Poroşenko ve Yuqarı Şurası reisi Volodımır Groysman ile muzakere etti.

XS
SM
MD
LG