Bazar künü, dekabr 14-de, yerli vaqıtqa köre, Keriç keçitiniñ işini ava şaraitleri sebebinden toqtattılar.
Bu aqta Yekâne naqliyat müdirliginiñ matbuat hızmeti bildirdi.
«Furtuna havfı dekabr 15 künü saat 09:00 kadar saqlanıla. Gemiler boğazğa çıqamazlar. Keçitte körünüv tumanda 500-1000 m. teşkil ete, şimaliy-şarqiy yel – 6-11 m/s, bazıda 14 m/s yete», – denile müdirlikniñ beyanatında
Aqşam, bazar künü, «Kavkaz» limanında» nevbette 380 yengil ve 92 yük maşinası, «Qırım» limanında – 100 yengil ve 45 yük maşinası, «Novorossiysk» – 105 yük, Slavânsk-na-Kubani – 399 yük, Keriç ava limanında – 338 yük maşiası tura edi.
Dekabr 14 künü, Yekâne naqliyat müdirligi ava şaraitlerniñ sebebinden «Qırım» limanından «Kavkaz» limanına qadar parom keçiti saat 21:00 qadar qapalı olacağı aqqında bildirgen edi.
