Keriç parom keçiti rayonında furtuna havfı ilân etildi. Paromlar dekabr 14 künü saat 21:00 qadar qatnamaycaq.
Bunı Yekâne naqliyat müdirliginiñ matbuat hızmeti bildire.
Onıñ malümatına köre, «Kavkaz» limanında nevbette 372 yengil ve 112 yük maşinası tura.
«Qırım» limanında nevbetni 60 yengil ve 47 yük, «Novorossiysk» – 97 yük, Slavânsk-na-Kubani – 341 yük maşinası bekley. Keriç ava limanında 420 maşina tura.
«Keriç parom keçiti rayonında dekabr 14 künü saat 21:00 qadar furtuna havfı ilân etildi. Gemilerniñ qatnavı toqtatıldı. Körünüv 100-500 metre. Yel şimaliy-şarqiy 6-11 m/s», – denile beyanatta.
Soñki kün devamında 1,3 biñ maşina ve 2 biñ yolcu avuştırıldı.
