Romaniyada er yıl, dekabr 13 künü, resmiy seviyede Qırımtatarlarnıñ Künü qayd etile.
Bu aqta öz Facebook saifesinde qırımtatar milliy Meclis reisi Refat Çubarov bildirdi.
«Böyleliknen, demokratik Romaniya XVIII – XIX asırları mecburiy icretler neticesinde bu topraqlarda yerleşken qırımtatarlarnıñ Romaniya tarihındaki rolüne emiyet ayıra», – dep yazdı.
1989 senesi arbiy avdarmasından soñ Romaniya türk-musulmanlarnıñ Demokratik birligi teşkil etildi. 1990 senesi eki teşkilâtqa bölündi – Romaniya türkleriniñ Demokratik birligi ve Romaniya türk-tatar musulmanlarınıñ Demokratik biriligine.
Soñkisi özüni qırımtatarlar ile bağlay ve milliy menlik, til, din ve medeniyetniñ saqlanması oğrunda tura. Memleket boyunca yigirmiden ziyade filialı bar.
