Link açıqlığı

«Yabloko» Rusiye firqasınıñ siyasiy komitetiniñ teşkilâtçısı ve azası Grigoriy Yavlinskiy Qırım boyunca halqara konferentsiyanı keçirmege teklif ete. Firqada qayd eteler ki, Qırım meselesinde «qanunsız qoşuluv» aqqında aytmaq kerek, çünki yarımadanıñ Rusiye terkibine qoşulmasını memleketlerniñ çoqusı tanımay.

«Rusiyege: «Qırım bizim degil» dеp aytmaq kerek, aks alda munasebetlerimizni daima tanılmağan sıñırlar meselesi ozğaraуcaq. Halqara konferentsiya ise ukrain qanunları boyunca İskoçiyada olğanı kibi referendumnı keçirmege ögretir. Soñra ise ciddiy qararlarnı qıdırmaq kerek. Olardan biri, misal içün, Qırımnıñ kantonizatsiyası», – dedi Yavlinskiy «Yabloko» firqasınıñ Federal Toplaşuvında dekabr 13 künü, dep haber ete Azatlıq Radiosı.

«Yabloko» firqasınıñ reisi Sergey Mitrohin Qırım meselesinde Rusiye özüne kendi areketleri ile duşmannı yaratqanını qayd etti.

«Bazı insanlarnıñ noqtaiy nazarına köre, biz Ukrainağa Qırımnı qaytaracaq olamız. Qarar: alıp qaytarmaq – böyle alda Qırımda vatandaşlıq cenki başlana bilecek. Adamcasına bir referendumnı keçirmek kerek, olğanı kibi degil: serbest matbuat vastalarsız, nezaretçilersiz ve ilâhre. Qanuniy referendumnı keçirmege qıyın bir mesele. Ukraina bunen razı olmalı», – dedi Mitrohin.

2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG