Link açıqlığı

İşğal etilgen Qırım akimiyeti gençlerge vatanperverlerlik duyğusını aşlaycaq ola


Qırım «ükümetiniñ» fikirince, yerli ealiniñ vatanperverligi sayesinde yarımada Rusiyeniñ bir qısmı oldı. Bu sebepten gençlerge de vatanperverlik duyğusını aşlamağa qarar alındı.

Bunı Qırım «baş naziriniñ» birinci muavini Mihail Şeremet Rusiye Federatsiyasınıñ prezidenti yanında bala ve gençlerge maneviy ahlâq ve vatanpervelikni aşlav Komitetiniñ toplaşuvında bildirdi, dep haber ete Qırım «ükümetiniñ» matbuat hızmeti.

«Qırım baari mevzusında Qırım sakinleri içün vatanperverlik pek emiyetlidir. Aynı bu duyğu adamlarnı bir maqsat üzerinde birleştirdi – Qırımnıñ Rusiye Federatsiyası terkibine qaytarılması. Bugünde-bugün bizler maneviy ahlâqnı saqlap ve arttırıp, genç nesilge vatanperverlik duyğularını aşlamaq kerekmiz», – dedi Şeremet.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG