Link açıqlığı

2014 senesi feral 27 kününden başlanğan ve mart 21-ne qadar sürgen Rusiye işğalinden bir ay keçti. Bu vaqıt devamında işğalciler ukrain arbiy bölüklerni blok etip, sahte referendumda raqmalarnı çızıp, ayırı «Qırım federal okrug»nı teşkil etip oldıdar.

Ukraina ise alâ daa Qırımnı kendi toprağı olaraq saya. Amma amleiy ceetten hırsızlanğan yarımadanı qaytarmaq içün bir şey yapmay. İşke devlet teşebbüsini körmegen cemaat başladı. Onıñ vekilleri Qırım qaytaruv strategiyasını işlep çıqardı ve endi taqdim ettiler.

Hırsızlanğan Qırımnı Ukrainağa kim ve nasıl qaytaracaq. Bunı şimdi etmek kerekmi – «24» haber telekanalında «Qırım.Aqiqat» programmasınıñ yañı leyhasında.

Studiya musafirleri – «Çetel işler maydanı» fondınıñ reisi Bogdan Yaremenko ve Ukraina halq deputatı, «Qırım» firqalarara birliginiñ reisi Aleksey Gonçarenko.

Programma cumaertesi künü saat 18:30 (Aqmescit vaqtı boyunca saat 19:30) ve bazar künü saat 11:30 (Aqmescit vaqtı boyunca saat 12:30) efirge çıqa.

Azatlıq Radiosı ve Qırım.Aqiqat saytlarında ise saat 18:30 (Aqmescit vaqtı boyunca saat 19:30) peyda olacaq.

Azatlıq Radiosınıñ yañı leyhası – işğal etilgen Qırım vaziyetini bilmege istegen insanlar içün azırlandı.

XS
SM
MD
LG