Oktâbr 16 künü Qırımda «mayıs 3 künü» işi boyunca yaqalanğan Musa Apkerimovnı SİZOdan azat ettiler. Adam mayısnıñ başında Ermeni Bazarda qırımtatarlarnıñ milliy lideri Mustafa Cemilevni qarşılamağа çıqqan edi.
Bu aqta malümatnı öz Facebook saifesinde adliyeci Emil Kürbedinov aşkâr etti.
«Musa Apkerimov azatlıqta!!! «Mayıs 3 künü» işi boyunca yaqalanğan Musa Apkerimovğa dekabr 12 künü ceza qararını deñiştirdiler. O, Tair Smedlâyev ve Rustem Abdurahmanov kibi azatlıqtadır», – denile beyanatta.
Dekabr 11 künü SİZOdan mayıs 3 künü yarımada ile memuriy sıñırda Mustafa Cemilevni qarşılav vaqtında politsiya hadimine zarar ketirgeninde qabaatlanğan Tair Smedlâyev azat etildi.
