Link açıqlığı

Qırımda qırımtatar milliy areketiniñ veteranı 80 yaşında Veciye Kaşkanı FSB sıñır idaresine sorğuğa çağırdılar. Qadın mayıs 3 işinde şaat olaraq keçe, dep haber ete Gromadske radio.

Onıñ aytqanına köre, dekabr 10-da onıñ yataqhanege yatması kerek edi – onıñ yüregi hasta, amma FSB celpnamesini körmemezlikke urıp olamadı.

«Men hastahanege yatmaq kerek edim, men qorqaq degilim, men bir yerde saqlanmayım ve iç bir vaqıt saqlanmadım ve saqlanmayım», – dedi Veciye Kaşka.

Sorğuğa adliyeci Emil Kürbedinov ile keldi. Onıñ aytqanına köre, qadınnı davet etken iş numarasına köre – o, cinaiy iş şahsı ola.

«Añlağanıma köre, onı mayıs 3 işi boyunca çağırdılar, qırımtatarlar Mustafa Cemilevni qarşılağan ediler – onı bu sebepten şaat olaraq davet ettiler», – dep ayttı Kürbedinov.

80 yaşında Veciye Kaşkanı FSB sıñır idaresinde aman-aman bir saat tuttılar: «Olar meni körip, alıñıznı ne içün añlatmadıñız, dediler».

Kürbedinovnıñ aytqanına köre, sorğu olmadı: o, kendisi ve tuvğanlarına qarşı malümat bermekten vazgeçti. Şaat malümatını uquq qoruyıcılar almadılar.

«Yaşlı olğanından ğayrı, bu adam qırımtatar milliy areketiniñ veteranı ola. Bu olar içün yañı bir şey oldı, ve olarnı eñ çoq şaşırttı», – dep qayd etti adliyeci.

FSB qadınnı daa bir kere çağırmamağa vade etti, yollağan celpnameni ise keri aldı.

Qırımda mayıs 3 işi boyunca adamlarnı sıq-sıq yaqalamağa başladılar. Mustafa Cemilevni qarşılağan qırımtatarlarnı ara-sıra sorğuğa çekeler. Bazı iştirakçilerniñ mahkemesi keçirildi, olar para cezasını aldılar. Uquq qorçalayıcılar bunı basqı ve siyasiy sımarış olaraq tanıylar.

XS
SM
MD
LG