Ukraina tarafınıñ zanınca, Avropa birligi işğal etilgen Qırım iqtisadiyatına qarşı cezalarnı quvetleştirip, yalıñız Qırım malınıñ Avropağa italini degil, Avropa malınıñ yarımadağa ihracını da yasaq etmeli.
Bunı Ukrainanıñ Avropa Birligi yanında vekili Konstantin Yeliseyev bildirdi, dep haber ete Ukrinform.
Onıñ qayd etkenine köre, Ukraina tarafınıñ malümatına binaen, Avropa birliginiñ memleketleri Qırımğa mahsulat yollamağa devam ete.
«Bizim statistikamızğa köre, Qırımnıñ eñ büyük ticaret munasebetleri İtaliya, Almaniya ve Avropa Birliginiñ diger azalarınen bar», – dedi Yeliseyev.
Berilgen malümatqa köre, Avropa komissiyası işğal etilgen Qırımğa qarşı yatırım, ticaret ve hızmetke nisbeten qoşma ceza kirsetilmesini teklif etti.
