Link açıqlığı

Rusiyeniñ «gumanitar konvoyı» Lugansktan Rostov vilâyetine yolğa çıqtı, dep haber ete Rusiye Fevqulâde vaziyetler nazirligi.

Saba «gumanitar konvoynıñ» yük maşinaları Donbassqa kelip çıqtılar. Rusiye tarafınıñ malümatına köre, Donetskke 50 maşina keldi. Olarnıñ içinde «aşayt mahsulatı, em de müim obyektlerniñ işini temin etecek donatma ve eşyalar» bar eken. «80 maşina ise Luganskqa keldi».

Rusiye daa bir «gumanitar konvoynıñ» terkibini Ukraina tarafı ile kene de muzakere etmedi.

Bunı Ukraina Tışqı işler nazirliginiñ matbuat kâtibi Yevğen Perebiynis Azatlıq Radiosına bildirdi. Onıñ aytqanına köre, Ukraina tarafı Rusiyege «gumanitar konvoy» yollanmasınıñ şartlarını ve qaidelerini aydınlatqan edi.

Rusiye doquzıncı sefer separatistler zapt etken topraqlarğa belli olmağan bir yükni yollap, oña «gumanitar konvoy» dey. Ukraina tarafı buña izin bermey, Qızıl Haç Halqara komitetiniñ vekilleri vaziyetni nezaret etip olamay.

XS
SM
MD
LG