Link açıqlığı

Nazirler şurasından Qırım işleri boyunca Devlet hızmetiniñ meydanğa ketirilmesini talap eteler


«Krım» fraktsiyalarara birleşmesiniñ reisi, Ukraina halq deputatı Aleksey Gonçarenko Nazirler şurasınıñ azalarına muracaatta bulunıp, Qırım işleri boyunca Devlet hızmetiniñ meydanğa ketirilmesini tezleştirmege rica etti.

Bunı o Qırım.Aqiqatqa bildirdi.

«Bizler «Krım» deputatlar gruppası olaraq icra akimiyet organları, şu cümleden, Nazirler şurasınıñ işini kontrol etip, vazifemizni yapamız. Bizler Qırım meselesinen oğraşacaq icra akimiyetniñ merkeziy organı alâ daa olmağanınıñ sebebini añlamayıq», – dedi deputat.

O dedi ki, Qırım işleri boyunca Devlet hızmeti aqqında qarar iyül ayında qabul etilgen edi, amma alâ daa yerine ketirilmedi.

Qırım, Aqyar ve vaqtınca köçip kelgen insanlarnıñ meseleleri boyunca devlet hızmeti avgust 5-te resmiy şekilde meydanğa ketirilgen edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG